«قان آغلارام »

قان آغلارام بو گون منیم آذربایجانیم آغلییر

گؤز یاشیم دایانمیر ایندی جانانیم آغلییر

یئر تیتریئب بیلمم هارای چکیم ندن

گؤندر کُمکلیگین آمان بو زمانه دن

دور ائل اوغلو،آذر بالاسی گؤستر همّتین

منّن سنین یاردیمی مَلهَم اولا بو ملّتین

ائشیتدیم دؤرد یوزدن آرتیغ کندی کؤله دؤندردی زلزله

یئر گؤ دَئیب بیر بیرینه، تؤز بورویوب سالدی ولوله

اَهر، کلیبر، هیریس، سِویملی ورزقان

دَهشَت توتوب هر یانی، اورکلر اولدو قان

بابک هارای چئکیر قالاسیندان دیئر بئله

گلین آی ائل اغولاری وئرین اَل اَله

دوزلدین کول اولمیشلاری، قورویون بینه

اوجالدین آذربایجانی یئنی دَن یئنه

سیزلَر آرخا دورون اونا، او سیزه دایاق

اسدیریلمسین یامان یئل،داغیلماسین تیفاق.

سه شنبه،23/5/91

به مناسبت زلزله ی اهر